Захирлын мэндчилгээ

Их сургууль нь мэдлэгийн нийгэмд шинжлэх ухааны ололт, өндөр технологид тулгуурласан орчин үеийн эрчимтэй эдийн засгийг хөгжүүлэхэд тэргүүлэх үүрэг гүйцэтгэж байна. Хүмүүнлэгийн ухааны их сургуулийн эрдмийн хамт олон нь хүмүүнлэг, нийгмийн ухааны салбарт орчин үеийн мэдээллийн технологи, хүн судлалын ололтыг ашиглан шинэлэг тэргүүлэх чиглэлээр улсдаа манлайлах зорилтыг дэвшүүлэн ажиллаж байна.

ХИС нь шинжлэх ухаан, технологийн мэдлэгийг боловсруулж хэрэглээнд оруулах, шинэ мэдлэг бүтээх чиглэлийг гол болгон дээд боловсрол эзэмшүүлэх болон судалгааны хөтөлбөрүүд хэрэгжүүлэн бүтээлч сэтгэлгээтэй, хөрвөх чадвартай, нийгмийн дэвшилд бодитой хувь нэмэр оруулах чин эрмэлзэлтэй мэргэжилтэн бэлтгэх бодлогыг хэрэгжүүлж байна.

Хүмүүнлэг, нийгмийн ухааны тэргүүлэх чиглэлээр Ази тивийн нэр хүндтэй Их сургууль болох нь ХИС-ийн ойрын ирээдүйн зорилт юм. Мөнхийн хөдөлгүүр – эрдэм номын их Өргөө болсон дэлхийд данстай ХИС нь монгол орны хөгжлийн түүчээ байх болно.

АКАДЕМИЧ Б.ЧУЛУУНДОРЖ

Алсын хараа

Бүтээлч оюуныг нийгмийн дэвшилд
Тайлбар: Бүтээлч сэтгэлгээг өндөр түвшинд хөгжүүлэх, нийгмийн бодит хэрэгцээг хангах үйлсэд хувь нэмрээ оруулахад оршино.

Эрхэм зорилго

2023 онд хүмүүнлэг, нийгмийн ухааны салбарт улсдаа чанараар манлайлагч их сургууль болно.
Тайлбар: Мэдлэгт суурилсан нийгэм-эдийн засгийн шаардлагыг хангах хөрвөх чадвартай мэргэжилтэн бэлтгэх сургалт-судалгаа эрхлэх нөөц, чадамж, удирдлагын жишиг тогтолцоо бүрдсэн байна.

Үнэт зүйлс

Алсын хараа, эрхэм зорилгоо амжилттай хэрэгжүүлэх нь эрдэмтэн, багш, суралцагч болон ажилтан, ажилчдаас бүрдсэн манай хамт олны гишүүдийн оролцооноос шууд хамаарна. Хүмүүнлэгийн Ухааны Их Сургуулийн хамт олон, гишүүн бүр дараах үнэт зүйлсийг эрхэмлэн мөрдөнө.

  1. Мэргэжлийн хандлага (professionalism): Мэргэжлийн болон хувь хүний өндөр мэдлэг, чадвар, хариуцлага, ёс зүйгээр бусдаас ялгардаг
  2. Бүтээлч сэтгэлгээ (creativity): Шинэ санаа, хандлагыг хөгжүүлэн шинэчлэлийн үйл явцыг эрчимжүүлдэг
  3. Хувь нэмэр (contribution): Оюуны баялаг, үнэт зүйлс бүтээн түүнийгээ хэрэглээнд оруулж, өөрийгөө болон бусдын чадавхийг тасралтгүй хөгжүүлж бодит дэвшилд хүрдэг.
  4. Чанар (quality): Хүлээлтэд нийцсэн буюу түүнээс давсан гүйцэтгэлийг хангаж, чанарыг тасралтгүй сайжруулан нийгмийн хариуцлагыг чухалчилдаг.
40
+
Жилийн туршлага
100
%
Чанарт суурилсан сэтгэл ханамж
55
K
Төгсөгчид
3500
+
Суралцагчид

ХӨТӨЛБӨРИЙН ЖАГСААЛТ ХАРАХ

Та ХИС-ийн салбар сургуулиар зочлох хүсэлт илгээх боломжтой.
Бид хүсэлтийн дагуу тантай холбогдох болно.

ХАРАХ

Түүхэн замнал

Preloader

  • 1982 он

    Бие даасан орос хэлний багшийн дээд сургууль болов.

  • 1994он

    Нийгмийн ухааны тэнхимийн харьяанд Компьютер, програм хангамжийн тэнхим байгуулагдаж МХМС-ийн суурь тавигдав.

  • 1999он

    Бизнесийн сургууль байгуулагдаж, Бизнесийн удирдлага, Санхүүгийн удирдлага, Экологийн менежмент чиглэлээр хөтөлбөрөө эхлэв.

  • 2007 он

    Боловсролын магадлан итгэмжлэлийн үндэсний зөвлөлөөс 1999 онд анх удаа, 2007 онд хоёр дахь удаа дээд боловсролын магадлан итгэмжлэлд оров.

  • 2010 он

    2010, 2014 онуудад Билиг дээд сургууль, Дархан салбар сургууль, Далай ван дээд сургууль нь ХИС –ийн харьяа сургууль болов.

  • 2017 он

    2017 онд АНУ –ын Бизнесийн сургуулиуд болон сургалтын хөтөлбөрийн магадлан итгэмжлэлийн байгууллагаар магадлан итгэмжлэгдсэн.

  • 2018 он

    5 салбар сургууль 50 гаруй мэргэжлээр сургалт явуулж байна.

  • 2018 он

    Олон улсын түвшинд хүлээн зөвшөөрөгдсөн Cisco Академийн албан ёсны хөтөлбөр хэрэгжүүлж эхэлсэн.

  • 1979

    МУИС-ийн бүрэлдэхүүнд Орос хэлний нэрээр байгуулагдав.

  • 1990он

    Гадаад хэлний дээд сургууль болгон байгуулж орос хэлнээс гадна Англи, Герман, Франц, Хятад, Япон, Солонгос хэлний багш орчуулагчийн хөтөлбөрөөр сургалт явуулж эхэлсэн.

Сэтгэгдэл
-Мэдлэг гэдэг бол бүгдэд хүлээн зөвшөөрөгдсөн, тээж буй хүн нь өөрт болон бусдад нөлөөлөхүйц байдлаар хэрэглэж болох үнэнийг л хэлээд байна гэж боддог. Тийм болохоор сургуульд үзсэн эрдэм мэдлэг ажлын талбарт гарахад зөрчилдөнө гэж байхгүй ээ. Яагаад гэвэл хоёр өөр үнэн гэж байхгүй. Хэрвээ тийм санагдаж байвал тухайн хүн эзэмших ёстой мэдлэгээ эзэмшээгүй байна л гэсэн үг. Ажил дээр ч тэр, хаана ч тэр мэдэхгүй зүйл зөндөө л тохиолддог. Түүнийгээ мэдээд гол учир утгыг ойлгоод явбал мэдлэг эзэмшээд л явна. Ер нь хүн ганц сургууль ч биш бүхий л амьдралынхаа туршид эрдэм мэдлэгийг хайж, түүнээ амьдрах багаж хэрэгсэл болгож байдаг. Тиймээс ч мэдлэг бол хүч гэж үг бий. Энэ үгтэй зөрөлдөх хүн гарахгүй болов уу.

_Лувсандагвын Ганхөлөг,

Alumini_Picture_2
-Их сургуульд орохоосоо мөн олон улсын сайн дурын байгууллагуудад ажиллаж амьдралын хүнд хэцүү байдалд амьдарч байгаа мянга мянган өрх толгойлсон эмэгтэйчүүд болон эцэг эхийн хайр халамж хараа хяналтгүй байгаа хүүхдүүдтэй уулзаж тусалдаг байлаа. Тэр үеэс л энэ хүмүүст илүү сайн бодитой, мэргэжлийн туслалцаа үзүүлэх хүсэл сонирхолдоо хөтлөгдөж сэтгэл зүйч болохоор шийдсэн. Одоо би хүн өөрийн сонирхолтой дуртай зүйлээрээ суралцах нь хувь хүний амьдралын сэтгэл ханамжийг нэмэгдүүлдгийг сайтар ойлгож байна. Сэтгэл судлалын шинжлэх ухаан болон сэтгэл зүйч мэргэжил Монгол улсад төдийлөн танигдаж чадаагүй байхад сэтгэл судлалыг сонгож байсан. Тухайн үедээ хүмүүс их гайхаж ийм сонголт хийсэнд эсэргүүцэх хүн ч олон байлаа.

_Отгонжаргалын Ядамсүрэн,

Alumini_Picture_3
-Мэдээж, ямар ч оюутанд дөрвөн жил суралцсан хөдөлмөрийнхөө үр шимийг хүртээд, энэ мэргэжлээр ажиллаж болно гэсэн баримт бичгийг нь гардуулж байхад догдолж баярлаж л таараа. Тэр жишгээр баярлаж байсан. Гэхдээ тухайн үед бодогдож байсан нэг бодол бол дүнгээ илүү өндөр гаргуулж хичээж гүйж байсан бол улаан дипломтой төгсч болох байжээ гэсэн цагаан атаа төрж байлаа. Эхлээд улаан дипломтой төгсч байгаа оюутнуудад гардуулдаг шүү дээ. Дүнгээ харахад минийх тун цөөхөн кредит дутуу байсан л даа. Би шалгалтаа өгдгөөрөө өгөөд, хичээлээ дүгнүүлдгээрээ дүгнүүлээд явдаг оюутан байснаас биш, нарийн тооцоо мэддэггүй байж л дээ. Гэтэл жаахан хичээсэн бол улаан дипломтой төгсч болох байсныгаа тэр өдөр ухаарсан гэх үү дээ.

_Э.Энэрэл,

Alumini_Picture_5
-Бүх л бизнесийн болон төрийн байгууллагууд тодорхой хэмжээгээр нийгэмд үүрэг, хариуцлага хүлээж байдаг. Манай улсад сүүлийн жилүүдэд нийгмийн хариуцлага гэсэн ойлголтыг хандив тусламж, байгаль орчноо хайрлан хамгаалах утгаар ойлгосоор байна. Тухайлбал, үүрэн телефон операторын үйлчилгээ үзүүлэгч байгууллага хэрэглэгчийнхээ дуудлага, зурвас, интернэтийг хангах  үүрэг хүлээж байна гэсэн үг. Хэрэв энэ үүргээ биелүүлж чадахгүйд хүрвэл маш олон хүн (нийгэм)-д хохирол учирч болно. Мөн үүнтэй адилхан нийтийн тээврийн компанийн ажиллагчид нэг өдөр ажил хаяхад нийгэмд нөлөөлөхүйц хохиролтой байдаг. Тиймээс нийгэмд үйлчилж буй бүхий л байгууллага өөрсдийн үйл ажиллагааг тасралтгүй чанартай гүйцэтгэх нь нийгмийн өмнө хүлээх хариуцлага болно.

_Төрбатын Төгөлдөр,

Alumini_Picture_1